Հարցազրույց Վասիլի Իվանչուկի հետ

Նշեմ, որ հարցազրույցը եղել է վերջին տուրից մեկ օր առաջ: Զրույցի ընթացքում Վասիլի Իվանչուկը խոստովանեց, որ չի սիրում հարցազրույցներ տալ, այնպես որ այս մեկը կարող ենք բացառիկ համարել: Այն անցավ ընթրիքի սեղանի շուրջ, ջերմ մթնոլորտում, որին ներկա էր նաև նրա մարտավկան` մեքսիկացի գրոսմայստեր Լեոն Հոյոսը:

-Ինչպե՞ս սկսվեց Ձեր համագործակցությունը:

-Հետաքրքիր պատմություն է: 2007 թվականին ինձ հրավիրեցին Մեքսիկա` Մորելիա միաժամանակյա խաղաշարեր անցկացնելու և դասախոսություններ կարդալու համարր: Մտածեցի ինչ լավ է, կգնամ, լավ ժամանակ կանցկացնեմ, կլիցքաթափվեմ, նույնիսկ համակարգիչս չվերցրեցի: Միևնույն ժամանակ պետք է անցկացվեր Մորելիա-Լինարես մրցաշարը: Եվ հիշու՞մ եք, որ վերջին պահին Ռաջաբովը հրաժարվեց խաղալուց և կազմակերպիչները ինձ առաջարկեցին մասնակցել մրցաշարին: Այդպիսի առաջարկից չէի կարող հրաժարվել և շտապ սկսեցի փնտրել մարտավկայի, որ գոնե համակարգչով կարողանար օգներ: Ինձ առաջարկեցին Լեոնին և նա օգնեց ինձ այդ մրցաշարում: Մեր համագործակցությունը դրանով չավարտվեց: Մի քանի մրցաշարերի եմ մեկնել նրա հետ և ահա այստեղ նունպես նրա հետ եմ եկել:

Հարցազրույց Պավել Էլյանովի հետ

Պավել Էլյանովը նույնպես վերջերս է ամուսնացել, բայց ի տարբերություն Սերգեյ Կարյակինի, Ջերմուկ է եկել առանց կնոջ, միայն մարտավկայի Զախար Եֆիմենկոյի հետ: Ի դեպ հարցազրույցի ժամանակ, որն անցավ ջերմ և ուրախ մթնոլորտում, Զախարը նույնպես մեր կողքին էր և երբեմն պատասխաններ էր հուշում իր սանին, երբեմն էլ ինքն էր պատասխանում:

-Պավել, շնորհավորում եմ ամուսնության կապակցությամբ: Ինչո՞ւ կինդ կողքիդ չէ:

-Շնորհակալություն Լիլիթ: Կինս աշխատում է և չէր կարող բացակայել աշխատանքից, այդ պատճառով նա այժմ իմ կողքին չէ: Պետք է ասեմ, որ սիրած էակի ներկայությունը իմ խաղի վրա դրական է ազդում: Ամուսնությունից առաջ մենք միասին մի քանի մրցաշարերի ենք մեկնել և բոլորում էլ հաջող եմ հանդես եկել:

Հարցազրույց Իվան Չեպարնովի հետ

-Իվան, Գրան Պրիի այս մրցաշարը նվիրված է մեծն Տիգրան Պետրոսյանի 80 ամյակին և հետաքրքիր է իմանալ քո կարծիքը նրա մասին:

-Տիգրան Պետրոսյանը, ինչ խոսք, հետաքրքիր շախմատիստ էր: Նա աշխարհի չեմպիոն էր, դրանով ամեն ինչ ասված է: Բացի դիրքային խաղից նա նաև շատ լավ էր կողմնորոշվում հաշվարկային դիրքերում, զարմանալի է, թե ինչու նա ավելի հաճախ չէր ձգտում սրությունների: Կարելի էր հատուկ մրցանակ սահմանել Տիգրան Պետրոսյանի անունով, թե ով ավելի շատ ոչ ոքի կանի (ծիծաղում է):

-Բայց քեզ հավանաբար ավելի հոգեհարազատ կլինի Տալի խաղը:
 
-Բոլոր ժամանակների իմ նախընտրած շախմատիստը Ֆիշերն է, նաև Կասպարովը: Նա պարզապես լեգենդ է: Մյուս աշխարհի չեմպիոնները ուժեղագույնն էին իրենց ժամանակում, իսկ Կասպարովը քսան տարի իշխում էր շախմատային աշխարհում, հաղթելով մի քանի սերունդների:

Լ.Մկրտչյանի հարցազրույցը Սերգեյ Կարյակինի հետ

-Սերգեյ, շնորհավորում եմ քեզ ամուսնության կապակցությամբ: Կնոջդ` Եկատերինային, արդեն ուղղել եմ ընտանեկան հարցեր, այժմ ցանկանում եմ մի փոքր զրուցենք շախմատի շուրջ: Քանի որ մրցաշարը նվիրված է աշխարհի  իններորդ չեմպիոն Տիգրան Պետրոսյանի 80-ամյակին, կցանկանայի իմանալ քո կարծիքը մեր լեգենդար հայրենակցի մասին: Ի՞նչ օգտակար նյութ ես քաղել նրա պարտիաներից:
- Շնորհակալություն Լիլիթ: Իհարկե, ինչպես և մյուս աշխարհի չեմպիոնների պարտիաները, խորը ուսումնասիրել եմ Տ.Պետրոսյանի խաղը: Շատ հետաքրքիր հակագրոհային ոճի շախմատիստ էր: Նրա պարտիաներից ինձ հատկապես հոգեհարազատ են որակի հայտնի զոհաբերությունները և բլոկադան:

Լիլիթ Մկրտչյանի հարցազրույցը Եկատերինա Դոլժիկովայի հետ

Շարունակվում է ՖԻԴԵ-ի Գրան Պրի մրցաշարը Ջերմուկում

Ջերմուկում անցկացվող ՖԻԴԵ-ի Գրան Պրի մրցաշարի  նկարները , տեսանյութերը և վերլուծությունները  դուք կարող եք գտնել այս կայքում: Արման Կարախանյանի կողմից հավերժացված նկարները և խաղերի վերաբերյալ մամլո ասուլիսների տեսանյութերը յուրաքանչյուր օր թարմացվում են:

Գրոսմայստեր Տիգրան Պետրոսյանը և Գրոսմայստեր Արսեն Եղիազարյանը ուղիղ հեռարձակմամբ յուրաքանչյուր օր մեկնաբանում են խաղերը, համապատասխանաբար, անգլերեն և հայերեն տարբերակներով: 

ՖԻԴԵ-ի Գրան Պրի մրցաշար ք.Ջերմուկում